Es iech op de kèrmes bin, wèl iech in de achtbaon zitte.
Orelaank staon iech in de rij, alle lui loupe zij aon zij.
Twievieftig veur zoe'n rit is neet zoe deur, jao, dao gaon iech veur.
't Is zoe wiet, geine spiet, bij de achtbaon staon iech altied veuraon.

Refrein:
Hey hey, dao kump heer aon, zèt miech lekker achteraon.
Hey hey, de achtbaon, laot mer goon, heer kump d'r aon.

Langsem geit heer op, hingk soms ouch nog op de kop.
De kriebels krijgste in de maog, es heer weer nao oonder jaog.
Ach nei, Christus leef, wat e raar geveul wie iech hei zoe zweef.
Kop zit los en dee drejt miech roond, iech dink heer vèlt miech op de groond.

Iech weur gans roed, bin bijnao doed, en huur get krake, 't zien mien kake.
Kunsgebeet vluig door de loch, mieljaar, iech had dat pas gekoch.
Stop noe, iech moot gaw droet, aanders goon iech hei oonderoet.
Zwaake blaos, zjus de Maos, wat e geraos, veer zien d'r haos.