De jaore die versjtrieke, de zandjluiper löp laeg
D’n tied dea glip heel langzaam door mien handj
En sjtilkesaan geit blieke, ich ben al wiet op waeg
De waegsjaol sjleit nao d’n angere kantj
‘Wat vlug dn tied”, wurt döks gezach
mer zoa sjnel, dat hauw ich neet verwach. ..

De 40 al veurbiej
Wievaol jaore nog te gaon
De 40 al veurbiej
Aeve tied óm sjtil te sjtaon
Óm wiejer te gaon. ..

Door ’t vinster van d’n tied, kiek ich in gedachte trök
Nao de weag, dae weag dae ich allein gegange ben
Verdreet, pien en sjpiet, mer auch leefde en gelök
Waore aegwiezers, die ich noe heel good kën
Ze weze allemaol de waeg nao hoes
Zoa kaom ich, oeteindelik veilig thoes

’t is sjtil hiej in de kamer, allein de klok die tik
veur dich ein dudelik teike aan de wandj
van noe aaf wil ich same
door d’n tied dae veur mich ligk
mit dich en ozze kleine. ..aan de handj. ..

‘Wat vlug d'n tied”, wurt döks gezach
mer zoa sjnel hauw ich dat… ech neet verwach....

De 40 al veurbiej
Wievaol jaore nog te gaon
De 40 al veurbiej
Aeve tied óm sjtil te sjtaon
Óm wiejer te gaon. ..