In ut veurjaor, un ei gelag,
dao op gaon zitte en dan gewach.
Ut geit dan barste, nog eine sjtoët,
want idderein, dae wilt d'r oeht.

Refrein:
Vastelaovend, 4 seizoenen lang,
in die 12 mandj veule wae dae drang.
Is ut zomer, wintjer, os makt det niks oeht,
in ut veurjaor, naojaor, dan wille wae d'r oeht.
Wurd d'r gefiëst, jao, dan sjtaon wae klaor,
want vastelaovend deurt ut ganse jaor.

In de zomer, det is gewoën,
de zon geit sjiene en makt os broen.
Neet nao ut werk toe, neet in de klas,
wae zitte dan op ut terras.

In ut najaor, dae kleurepracht,
de buim get kaler, de windj dae lacht.
Dan geit ut weije, jao, det is gaaf,
want èlluke eikel, dae vilt dan aaf.

In de wintjer, dan wurd ut wit,
wae viere kersmis, gaon vreug nao bèd.
Mer geit ut duuje, dan sjtaon wae op,
zitte de tent dan oppe kop.