Refrein:
Dat sjleit toch örges nörges op!
De ganse tent sjteit oppe kop
Ich bèn ’n bietje gans beklop
Dao bleuj ich weer van op
Ich klaen nog ’ns good op mien tróm
Dat sjleit in wie ’n bóm!
Al sjleit dat örges nörges op
De sjpas geit noe veurop!

Wat höb’ v’r et toch drök
Dat brunk ós gein gelök
De jaore vlege vlot aan ós veurbiej
Mit ummertoe gejaag
Gekal en get geklaag
Veer höbbe gaar gein rös meè in de priej
Óm zoa te mótte laeve
Zègk, dooch mich e plezeer!
Noe sjtop daomit ’ns aeve
Bedènk dich ummer weer…

Mer driej daag in et jaor
Bèn ich mit alles klaor
Dan vier ich vastelaovend aan e sjtök
Kleurt alles road, gael, greun
Höb ich weer gekke teun
Dan löp mien hart haos euver van gelök
Geneet ich van et laeve
En van mien dikke tróm
Al hauw ich d’r ’ns naeve
Dao geit et zich toch óm!