Jeeder jaor etzelfde röndj d'n ellefde van de ellefde
dan pak ich weer 'n pen en sjtök papier
dan gaon ich 't probeere, 'n leedje kómponeere.
Och leeve tied dat is mich ein gemier
en sjut mich get te bènne dènk ich dit geit zeeker wènne
Dit wurt gegarandeerd 'n graote hit
met zèng ich 't eemes veur
och dan krieg ich weer 'n kleur
dan lache ze mich oet en zègke dit...

Refrein:
Dat liek nèrges op dat sjtèlt niks veur
dat zeen van die zaake, die kènste neet maake
dat liek nörges op dat sjtèlt niks veur
dat is 't werk van eine echte ammeteur
dat liek nörges op dat sjtèlt niks veur
dat kènste neet maake, de naote die kraake
dat liek nörges op dat sjtèlt niks veur
sjpeel doe dien leedje mer 'ns veur 'n anger deur...

noe sjtaon ich hie ocherm weer mit de zeeèl ónger d'n erm
is dat neet zunj van zoa e graot taalent
D'rom blief ich 't probeere, e leedje kómponeere
Missjien zeet geer 't volgend jaor kóntent
mer och veur deeze keer, kóm doot mich e plezeer
zèng estebleef dit leedje mit mich mit
want dat deijt mich toch zoa good
en 't geuf mich weer get mood
mit uch d'rbie wae wèt wirt et 'n hit....