Dao bun ich met gebaore

Tekst: 
Frits jr. Criens
Muziek: 
Bart Storcken
Artiest: 
Hoondervel
Plaats: 
Haelen
Jaartal: 
2013

Vastelaovendj zitj bie ós van binne,
zitj ós in de gene, zitj ós in ut blood..
Dao zeen we mét gebaore

Refrein:
Vastelaovendj zitj ós in de gene
Vastelaovendj zitj ós in het blood
Drie daag fiëste en tampiëste en d’raan wie verkeswullem
Vastelaovendj zit ós in het blood

Un moes hildj van kiëës, unne knien hildj van maore
Mer ich van vastelaovendj, dao ben ik met gebaore
Unne uul hildj van zien kerk, unne valk van ziene taore
Mer ich van vastelaovendj, dao ben ik met gebaore

Een eándj hiltj van mik, unne kaorewolf van kaore
Mer ich van vastelaovendj, dao ben ik met gebaore
Un kniepkat hildj van kniepe, unne speurhondj hildj van spaore
Mer ich van vastelaovendj, dao ben ik met gebaore

Un vleeg hiltj van huijp en un muk die hildj van aore
Mer ich van vastelaovendj, dao ben ik met gebaore
Mien mam hildj van mien pap en mien pap van jónge klaore
Mer ouch van vastelaovendj doa zeen zuu met gebaore

Hoort bij: