Ich zoôg ins un leuk maedje, op eine aovend oeht.
Ich dach: 'Die wil ich sjpraeke, die heet zo'n knappe sjnoeht'.
Begos toen wat te praote, tot zie zei: 'Loester dich,
det kalle is sjoen, toch geldt dur gewoen mer ein dink echt vur mich'.
Ze pakte mich vast, reep nao ut orkest:
'Speul unne wals!' en zei toen vur de rest :

Refrein:
Dans mit mich, wals mit mich,
dreij mit mich lekker door, auch al wurd ut dreij oor.
Det makt nik. Dans mit mich, wals mit mich,
gank mit mich in ut ronk want de nacht is nog jonk.
't Is zoe fijn, dich en ich, dansend mit ein.

Toen, nao dae eine aovend, zoôg zie mich neet mier staon.
Mer ich dach in mien eige: 'Dit is nog neet gedaon'.
Ich wachtte op un kenske, det kreeg ich toen al gauw.
Mien hert waas vol veur, wie ich vroog aan heur: 'Dansje make, mevrouw?'.
Ich pakte heur vast, de juke-box stong aan,
koos unne wals en ich zong toen spontaan :

Nôw zien wae althied same en gaon nog duk op stap.
Waor det wae auch gaon, wae blieve neet staon, te hange aan de tap.
Want kumt unne wals, dan danse wae mit.
Hoije os vast en wae zinge dan dit :