Ich haaj 'm hiël good zitte, doe zoots aan 't buffet.
Ich dach : ' Och gooje hemel, waat vinj ich dich toch net '.
Nao nog ein paar glaazer waas mich alles worst,
ging ich op dich aan en zóng oet vólle borst ...

Refrein:
Kom, gaef mich dien handj en dans mèt mich.
Dans de ganse nacht.
Ich veul mich toch zoë riek, allein mèt dich.
Op dich höb ich gewachtj.
Doe wèts waat Vastelaovendj is, en nims 't laeve mèt 'nne lach.
Doe wèts waat Vastelaovendj is, dans mèt mich de ganse nacht.

Zoë zote wae dao same, gezellig oppe kruk.
Doe knipdjes mich ein uigske, ich lachdje leef trök.
Nao kalle en väöl lache, 't beer det sjprook väör zich,
zónge wae dao same, jao doe en ich .......