Miene meens won mit en lötje uut de loeëtereej,
zô'n hieële groëte troetelhaas, heej zeij die is vur meej.
Daor goij ik mit vastelaovend lekker mit op sjouw,
ik docht nog beej mien aege, as ik un maor zuut mit hou,
mar now danst heej al drie kwetier mit dat gekke knuffeldier.

Refrein:
Ge meug van meej d'n hieële aovend, wel lekker danse mit die pop.
Ge hèt meej zô lang laote waachte, mien geduld dat is now op.
Dan zuuk ik meej wel ennnen haas, dèn mit meej wel danse wil.
Dan zal ik nörges aover praote, dans now mar dur, dan bin ik stil.

Miene meens, dèn speult en spelleke, mar ik heb um dur,
mit dat hazinne-knuffelke, nie da'k sjaloers bin heur.
Mar as heej straks is uutgedanst, now dan hèt heej pech.
Ik laot mit meej nie speule, ik wieët now al wat ik zeg:
Now stoij ik al vier kwetier, mit en glaèske zonder bier.

Miene meens, dèn danst nog steeds mar dur, heej kan de lol nie op.
Wat hèt den meens van meej plezier mit die hazinnepop.
Mar as weej strak naor huus toe gaon, wieët ik al wat heej zèt:
Zeg schatje, gaon weej merrege wer, dan gaon weej now naor bed.
Mar weej hebben nog vief kwetier, dus zing ik nog ieëne kier.