D'r zeen van die momente, geer kènt ze allemaol,
me zit in de misaere, stjeit effekes veur paol.
Want sjleiste eine flaater, dan veulste dich zoa klein,
get later kump de kater, dat wèt toch jederein.

Refrein:
Dan kènste 't sjödde, dan kènste 't sjödde,
sjteiste effe sjoan d'r op, kumpste gaaroet neet meè sjtop.
Dan kènste 't sjödde, dan kènste 't sjödde.
Door dat sjödde sjteit de waereld op zien kop.
Slotzin laatste refrein:
Mèr sjteiste sjtil, dan hilt 't sjödde effe op

Mer och, geer mót mer dènke, me sjtuk zoa gaer d'n draak,
mit 'bloopers' en mit 'blunders', toch geuf 't váöl vermaak.
Probeer d'r óm te lache, dan höbste get geleerd.
Dus sjteit me sóms veur joker, dat is ech neet verkeerd.

D'r zeen zoa van die tieje, dan geit et veur de wèndj.
Ich fladder door et laeve, gelökkig wie ein kèndj.
Mien ganse lief dat raazelt, van bliedsjap en plezeer.
Ich dans tot 't mich daazelt, en zèng dan ummer weer.