Refrein:
Ich zegk uch, en det zegk ich neet allein vanaovend,
det wil ich euver tien jaor nog aan uch kwiet.
D'r is behalve ooze sjoone vastelaovend,
gein fluit meer euver van dae gooje aaje tied.
D'r is behalve ooze sjoone vastelaovend,
gein fluit meer euver van dae gooje aaje tied.

Waem geit zich nog kaole haole, leut zich nog de sjoon verzaole,
melk nog mit de handj ein koe, geit nog nao de vespers toe.
Waem zuut nog ein hoenjsker rieje, waem leut zich de haor nog sjnieje,
krieg nog blauwsel in de was, sjtempels in de pas?

Waem geit zich nog Rölkes koupe, wilt nog mit komassje loupe,
geit nog nao de bos en kruup rondj en raap nog denneknuup.
Väöl is in de loup der jaore aajerwets, antiek gewaore,
mer de Vastelaovend blief, jonk en attraktief.