Refrein:
Dae ós vindj, vindj ós good
’t Sjpaor nao ós, dèt löp nooit dood
Einmaol hiej, euver de breer
Druim-ste metein van de volgende keer
Dae ós vindj, vindj ós good
Kóm mit de waage, mit de trein of kóm te voot
Maak dich neet diek, de kat is toch van hoes
Biej de muus in ’t Veldj veuls-te dich thoes
Dae ós vindj, vindj ós good
Kóm mit de waage, mit de trein of kóm te voot

Es-te dan biej ós moezehol bès aangekómme
Sjteis-te paf, dit hads-te neet verwach
Dao klink meziek, trompette-saxe-trómme
Al die moeze piepe same, eine gulle lach
Veer zeen De Veldjmuus! De grootste vrunj!
Os hèrt sjleit veur ut Veldj en veur Remunj

Veer viere vastelaovend mit zien alle
Sjmulle van ’n blukske kées, ’n sjtökske sjpek
Veer zeen te sjlum veur gemein moezevalle
Nae dao trap ein moes neet in, hae is neet gek
Veer zeen De Veldjmuus, kóm sjloet dich aan
Trek mit ós door ’t Veldj, rechtoe-rechaan