In de sixties woëd Heële hieël sjnel angesj
De sjtad gruide, woëd opins modern
Ich woar jonk, kos al e bietje danse
Dat oapent duure, ik koam vlot al tot de kern

’t woar weekend, ich gong sjtiekem mieng breur noa
Noa d’r Oambusj, want doa klonk fijn muziek
E sjoën meëdje vroog : Wilste mit mich danse
’t  Woar ouwer, houw ervaring, magnifiek

D’r  Oambusj rock & roll, mie hart dat sjloog op hol
De dampe sjlooge d’r aaf, leever wild dan al te braaf

D’r Oambusj rock & roll, deë goof mich goeie zin
Danse, zjwiere, vöal plezeer, lekker d’r Oambusj in

Oet de jukebox klonk inne sjerpe tango-dans
En oogertuusje greep ich doe mieng kans
Küsse mich  und quäle mich zoonge vuur mit
En rock en rollen op d’r nieuwste hit

Dat danse kense good, zag ’t teëge mich
’t Woëd al sensueler, keek mich rech in mie gezich
Kense de rest ooch zoë good , want ’t houw zoene zin
En vuur dat ich ’t wis, geenge vuur d’r Oambusj in

D’r Oambusj rock & roll, mie hart dat sjloog op hol
De dampe sjlooge d’r aaf, leever wild dan al te braaf

D’r Oambusj rock & roll, deë goof mich goeie zin, 
’t Sjunste meëdje vroog mich doe, gank mit d’r Oambusj in

Al dat sjoëns van de natuur beveel mich good
In de sjtruuke de hormone durch mie blood
En ich sjtong nit lang mit d’r monk vol teng
Want alle zaligheed lag het doa in mieng heng

V’r houwe sjpas bij die kapotte lamp
Voonge prille leefde bie ’t Hertekamp
Inne zoëmer vol mit passie en gezjwier
Lekker in de sjtruuke en doa goonge v’r nog inne kieër

D’r Oambusj rock & roll, mie hart dat sjloog op hol
De dampe sjlooge d’r aaf, leever wild dan al te braaf

D’r Oambusj rock & roll, deë goof mich goeie zin
’t Sjunste meëdje vroog mich doe, gank mit d’r Oambusj in