Refrein:
Gank us op zie, op zie, op zie
heej kump de hermenie
Haet ze neet en lekker bruudje
kiëk us nao det snoezig snuutje
Kôm now d'r beej, d'r beej, d'r beej,
de femilie is al heej
En iederein steit klaor
vûr ut broedspaar van ut jaor.

Ieder jaor mit gekkemaondig
löp de hermenie vûrop
Mit eure hoempa taederae
zet ze alles op de kop
Mar dit jaor geit alles anders
De boerebroelof is dit jaor
de hermenie gegund.

Trek d'n optôch door de straote
minse drômme dan beejein.
Vûr de hermenie dit jaor
kump nou alles op de bein.
En de huurs de minse dinke:
'Wat en prachtig broedspaar dao'
Men duit danse, hosse, zinge
en geit ze achternao.