Börge-, Börge-, Börge-, Börgemeister,
Hebs dich vör mich unne pleister?
D'r es e gaat in mien begruuëting gevalle
Dao zoeëj ich gaer us efkus oeëver kalle
Börge-, Börge-, Börge-, Börgemeister,
Hebs dich vör mich unne pleister?
Want det gaat es mich noow al völ te groeët
't Geltj es op, ich zit in noeët

Normaal lök 't mich goot wat te begruuëte
De nowwe Mûnt of now teegels oppe straot
Ich raeken alles uut beej de gemeindje
Un meujlukke raekensom di-j leutj mich kaot
Zit d'r aaf en tow auch waal us naeve
Mer ach jè dao kiektj toch nemus nao
Mer as d'r êrregus wat veltj te hale
Zeen vae naoteurluk weer as ieërste dao

Behieër al e paar jaor dieës portefeuille
Verdeen heej goot, dus zit ich heej op mien plek
Ich kan auch alles lekker deklarieëre
Ich weit waal wi-j det mot, bin toch neet gek
Dri-j of veer kieër gaon ich op verkânsie
Jao echt waor, krieg dek mien sente terök
Kin wat minse heej beej de belasting
Det es zoeë hendjig, 't es e groeët gelök