In 2018 stong ich aaf te wesje (vier dont dat thoes nog mit de heng) en d'r ging 'n melodie doeër miene kop.

Meteen die melodie vasgelag en es wirktitel 'Bubbles' gekaoze. Daonao moos de tekst komme; Bubbles, zeepbelle, kins te doerprikke. Zieëker de zeepbelle die v'r jieëkere daag op tillevisie tijdens 't zappe vuurbie zieën komme. Bubbles kump ouch in 'n ingelsje versie.

'Ich zap langs kanaale op tillevisie;

Mien vinster op de welt om mich heen.

Ich zieën Bubbles in de lach van de prinses;

En twiefels in d'r lach van d'r prins.

Ich zieën bubbles in de botox van heur rumpels,

En barsjte in geluif wat feite zint.

Ich zieën bubbles in dien beloftes vuur de welt,

Want bewaege dees te neet.

Ich huur bubbles in de wuurd van de leiders,

In gebral en gewauwel uever kunst.

Ich zieën bubbles in de claims in reklames.

Zien bewaeringe trekke os oetein.

Ich huur bubbles in gesjprekke op duure fieëste,

In symboole van de luxe die ste kups.

Ich pak mien naolde en prik ze doer,

Bling, bling, bling,

En dan höb ich weer get rust.

Ich zieën bubbles jieëkere daag in de media;

Wat gedeeld waerd is fake of ondoerdach.

D'r zind bubbles in wae ste kins en was te mins,

En bubbles in behoeftes de hae mak.

Mit mien heng in 't sop en 't water:

Jieëkere zeepbel 'n metafoor vuur sjien.

Ich wesj mien heng zoeë flot es ich kin,

Laot gaon, gaon, gaon,

Ich zet dien masker aaf.....