Ederein dae hilt van wors met ein pilske veur den dors.
En auk boeremoos, jông, dan geit ´t loos !
Boeremoos is medicien, vastelaoves-vitamien.
Heb ze d´raan gelek, zinge ze al direk :

Refrein:
Boeremoos met wors, boeremoos met wors,
en ein pilske veur den dors, en ein pilske veur den dors.
Gaef mich maar boeremoos met wors !
Met boeremoos en braodwors is ´t laeve neet zoeë zwaor.
En daobej nog ein muulke van 'n kind van 18 jaor.
Want zônder Prins of Vors, en zônder boeremoos met wors,
dan kriege ze toch noeit de vastelaovend klaor.

Leefde geit toch door de maag, zeker met die dolle daag.
Boeremoos allein hilt dich op de bein.
Ederein dae haet det gaer met ein braodwors d´r um haer.
En de löps vanzelf röstig ein op elf.