Vilt 't laeve ós get heller, dènke veer al gauw get sjneller:
'Noondejuu, 't zit mich auch neet mit'.
Mèr 't is allang beweeze dat v'r zellef kènne keeze,
omdat 't tösje ooze oare zit.

Refrein:
Doe laefs dien laeve vööl gezónjer mit 'n bliej gezich.
Al zeen auch al dien zörg neet van de baan.
Doe höbs de hèllef al gewónne mit 'n bliej gezich.
Dan kènse gans de welt weer aan.

Jeder krit zien deil dat wètste, doe bès vas ouch neet de lètste,
wo d'n oozel aan 't paörtje belt,
Boew dan op de sjoan momente, in de pap zeen dat de krènte,
wo-se toch dien laeve langk veur hèls.

Plók d'n daag en num 't laeve, sjus wiej 't dich wurt gegaeve.
Jed'ren daag opnuuj is 't mèr de vraog.
Kump 't good of kump 't kaoje, ummer kènne veer weer raoje.
Daveur, es ich dich get zègke maog.