Dao is ein sjoan paedje hie in awt Gelaen.
't Vertèlt van den auwe tied
En es te dao noe ens sjtil blifs sjtaon,
wilt et zien verhäölkes waal kwiet
Euver köppelkes dao in et paedje,
wo ze sjtonge hie en dao.
En vroog et jungske: ' Sjat, hils'te van mich ? ',
dan knikde et maedje: ' Jao '

Refrein:
Bie Hub Eisje in et paedje haet jederein waal ens gesjtange,
en is mit zien leefste maedje dao waal ens ingegange
Mit de rok taenge de pilaer, jao, dao vriejde ze zoa gaer
Sjtilkes sjmoeze, muulkes gaeve, dat gebeurde dao bie Hub naeve
Bie Hub Eisje in et paedje, door de sjtreng van awt Gelaen.

De'n tied is verangerd, et laeve geit door,
mer leefde blif ummer besjtaon
Auch noe zuuste köppelkes handj in handj,
bie Eisje et paedje in gaon
En sjus wie èns in vreuger jaore,
vènje jong sjtreng dao hun gelök;
Jao, meinigein hie biej oos in awt Gelaen,
dae denk dan es gaer terök