Nao de sjaoltied zoe lekker ravotte
met de vrundjes bei us oet de stroat
op 't pleintsje e belke te sjotte
occh dat maakde de buurt obstenaot
want ze waore zoe bang veur de roete
en de hoors daan ouch deks 'ne slaag
de gordijne de weyde nao boete
ze pakde'n us in uzze kraag

Refrein:
Veer zien.....gein batteraove
wie veer heiveur uuchstoon
boeveur welt geer us straove
veer höbbe niks gedoon

soms daan ginge v'r met 'nen haave
nao de winkel bei us op d'n hook
es ze vrooge, wat moot 't zien braave
'ne keenknap of 'ne kook
es de maan us bestelling ging hole
zaote veer met us han in de fles
meh veer hadde dat ech neet gestole
sjus d'n haave zaot noch in us tes