Veer stoonte örregens in de stad te wachte op lijn twie.
Veer hadde'n ers genôg gehad, de bös, die kaom neet mie.
'nne Bössjeffeur, dee stopde, zach: 'Noe staot geer toch sjoen drop.
Boe geer hey staot te wachte heet noch noets 'n bös gestop.
Mèh zeet noe mer gerös, hey is de Dröpkesbös'.

Refrein (2x):
Mestreechter Nachte zien zoe laank, zoonder al deen dieselstaank.
Vaan al dat loupe weur iech kraank, de Bössjeffeurs weure bedaank.

Mestreech is haos 'n wereldstad, mèh wèlste 's nachts ins d'roet,
daan höbste gaw genôg gehad, 't leeg dat geit dich oet.
Daan zalste liere loupe, want zoe um 'n oor of ein,
daan stoppe alle bösse, en is dat noe neet gemein ?
Want 's nachts, dat is toch woer, zit Mestreech zoonder vervoer.