Midde doer Gebrook
meandert sjtil ’n water
negerpiemele langsj de kant
trobbe aende, väöl gesjnater

De boere van oos dörp
höbste vreuger väöl gegaeve
jieëker jaor es ’t vuuërjaor kaoëm
leetste al opnuuj weer laeve

Doe zörgdes dat de bäöm
ummer vol weer wólle bleuje
en doer dich kós al oos fräöt
doezendvoudig blieve greuje

Zónger water gaen besjtao
dat höbste good begrieëpe
water is vuuër ós de laevesaor
aone dat kós gaar nieks riepe.

Wiej ’n moeëder vuuër häör kinjd
zörgs doe vuuër alle luuj
doe daes dat noe al ieuwelangk
vreuger, gister, aoch nog huuj