Refrein:
Alles oonder kontrol, alles oonder kontrol.
Al is 't heij 'n zooitje, veer höbbe de groetste lol.
Alles oonder kontrol, alles oonder kontrol.
Pas es de veugelkes fluite, kroepe veer oonder de wol.

't Feeske vaan de voetbalclub, dat leep gèt in de sop.
Ze goeijde zich de eier en de tuurtsjes naor de kop.
't Waor neet te geluive, wat daor woort oetgespook.
Toch zònge alle speulers met de slagròm op de brook.

De groep stoont op de plaanke veur de allerierste kier.
Ze späölde slech en vals en och, wat ginge ze tekier.
't Waor neet te geluive: de zaol ging oet de bol.
Toen reep 't gans gezèlsjap: 'Alles is oonder kontrol!'