Op vasteloavuntj maondjigmêrrege 11 oeëver 11,
krieëg mam bezeuk van 'ne oeëjevaar.
Dae stong op 't linkerpuuëtje beej os boeëve op 't daak.
Mer det woor glaat, dus met e wîltj gebaar,
veel ich van roemeldeboemel-deboemel-deboemeliejo,
via de vroetvrouw beej oeës moôder in de liezjemo.
Oeës mam di-j sloog eur ouge op en zag,
wi-j ze mich zoog met 'ne groeëte brei-je lach

Refrein:
Alaaf, dit weurtj 'ne schoeëne,
alaaf, ich gaef uch eine raot.
Maaktj lôl en zitj neet inne boeëne,
zeuktj de humor oppe straot.
Alaaf en wi-j 't auch moog loupe,
nao raengel keumptj toch zónnesschiên
Dootj waaje dootj, neet te gespootj,
mer boeëve alles goot gemootj.

'D'n Hieër' goof os e fieësje, zoeëmer uut zien binnetés.
Hae zag : ' Des vör ontspanning en 't vermaak,
want laeve in 'n werreltj vôl gejaag en dek auch stress,
des vör uch minse echt gein sûmpel zaak. '
Hae strouwdje twiedeldiediedel-diediedeldiediedeliejo,
uut losse pôls 't vastelaovuntj-virus nao os tow.
Al gieët de hallef stat op wîntjersport,
dae vastelaovuntj deurtj vör os nog völ te kort.