Refrein:
Aaf en toe gaon ich 'ns gaer op jats,
hilt mich gein paerd in hoes, dan sjtuk mich weer de brats.
Aaf en toe laef ich mich lekker oet, en dat aaf en toe is noe!
Wie 'n sanseveria achter de roete, zoa wil ich neet door et laeve gaon.
Vandaag zèt ich de bleumkes boete, heij ich dat eerder mer gedaon!
Aaf en toe, laef ich mich lekker oet, en dat aaf en toe is noe!

Zoa aaf en toe, dan zit et mich get taege,
dan höb ich ènkel zörg aan miene kop.
Die kriege allemaol van mich de zaege.
Ich zègk taege michzelf: 'Maedje, kóm op!'

Ich hauwt neet zoa van zanike en zeure,
dao sjutste geine sikkepit mit op.
Mit vastelaovend geit et weer gebeure,
dan zèt ich Limburg driej daag oppe kop!