Refrein:
Öpke döpke roeëzeknöpke, öpke döpke knol.
Och, doe allerleefste möpke, brings mien hart op hol.
Doe bis mien aege paradies, d'r hieëmel hiej op aerd.
Mit dich höb ich d'r ieësjte pries, doe bis mich alles waerd.

Mit vastelaovend wil ich gaer d'r ganse aovend danse.
Mien leefste kinjd, geläöf 't mich, ouch waal 'n bietje sjanse.
Vier sjpraeke neet I love you en ouch neet van l'amour,
vier kalle in oos Limburgs Plat en goesje os d'r doer.

Vier höbbe dèkker sjpas vuuër twieë, al maonde biej 't dinke,
wiej vier os mit de carnaval dit jaor weer zulle sjminke.
Mit klonepak, 'n heutje op, zoe gaet 't driej daag lank,
en gaen gebräözel aa d'r kop, allaen d'r hoempaklangk.