't Plejn dor vur d'n Beejekörf, dat is nie âlt bezet.
Dat lit 'r duk wat sillekes beej, zóas ge allemól wet.
Már mit de vastelaovesdaag, ge wet nie wat ge ziet,
de haze en hazinne werre daor eur keutels kwiet.

Refrein:
Went ien de Beejekörf of ien de groeëte tent óp òs mojje schowburgplejn.
Dor ziede de vastelaovesgekke gaon, ien alle maote, groeët en klaen.
Daor ennen boer, 'n kloon, 't sjowt van hot nor haar, as enne vastelaovestrejn.
Niemes het daor tied vur smaele of genäöl, dor òp dat mojje schowburgplejn.

Van alles is'ter òp dat plejn 't gânse jaor te doen.
Me löpt zich mit de Kennedymár d'n ojjem uut de schoen.
En ied're móndág geft de mernt gezellighejd en kleur,
án 't mojste stukske Venroj beej de schowburg vur de deur.